Rebelim në burgun Champ-Dollon të Gjenevës

Të burgosurit kishin kërkuar qasje në sallën e sportit dhe ishin ankuar për “aspekte johumane të ambientit të burgut

Rreth 60 të burgosur në burgun e madh Champ-Dollon në periferi të Gjenevës kanë refuzuar dje me orë të tëra që të hynin në qelitë e tyre.

Drejtori i burgut ka njoftuar mediet se rasti ka ndodhur pas përfundimit të shëtitjes së rregullt që bëjnë të burgosurit në oborrin e burgut.

Ata, siç citohet nga drs.ch drejtori i burgut Champ-Dollon, kishin kërkuar qasje në sallën e sportit dhe ishin ankuar për “aspekte johumane të ambientit të burgut”.

Të gjithë këta protestues qenë vendosur kohë më parë në një aneks të ndërtuar rishtas të burgut.

Drejtoria e burgut do të takohet sot me një delegacion të protestuesve për të shqyrtuar problemet e paraqitura.