Sadiku dhe Alioski, në garë për futbollistin e muajit në Zvicër

Ata janë në garë për lojtarin e muajit prill nga e përditshmja zvicerane ‘Blick’

 

Lugano ka shkëlqyer në muajin prill. Skuadra zvicerane shënoi pesë fitore në pesë ndeshje, ndërsa më meritorët ishin dy futbollistët shqiptarë, Armando Sadiku dhe Ezgjan Alioski.

 

Ata janë në garë për lojtarin e muajit prill nga e përditshmja zvicerane ‘Blick’, përcjell albinfo.ch.

 

“Me dy gola dhe tri asistime, Sadiku ishte njëri ndër lojtarët më të mirë. Ai mungoi në vetëm një ndeshje”, shkruan ‘Blick’ për sulmuesin kuqezi.

 

Ndihmë të madhe ka dhënë edhe futbollisti shqiptar, Alioski, i cili luan për Përfaqësuesen e Maqedonisë.

 

Tre futbollistët e tjerë në listë janë Akanji i Baselit si dhe Caio e Dabbur të Grasshopers. Për futbollistin fitues, jepet edhe një çek prej 2000 frangash zvicerane.

 

Ja ku mund të votoni për lojtarin e muajit prill:

 

http://www.blick.ch/sport/fussball/superleague/stimmen-sie-jetzt-ab-waehlen-sie-den-fussballer-des-monats-april-id6645495.html

---