Goditet një vogëlushe dhe askush nuk i ndihmon

Këto imazhe kanë tronditur gjithë Kinën dhe transmetohet në mbarë botën përmes internetit

Një vajzë e vockël, e plagosur rëndë pasi u godit nga dy automjete, është bërë po ashtu viktimë e indiferencës së këmbësorëve.

Vogëlushja Yue Yue, dyvjeçare, është goditur së pari nga një furgon dhe më pas nga një kamion para dyqanit të familjes së saj në qytetin Foshan.

Imazhet e regjistruara nga kamera vëzhguese tregojnë disa njerëz duke kaluar afër vogëlushes që vuan nga gjakderdhja pa ndalur fare, njofton Agjencia e lajmeve të reja në Kinë.

Më në fund, një punëtor i mbeturinave arrin të tërheqë vogëlushen nga rruga për ta vendosur në trotuar, por thirrjet e tij për ndihmë janë injoruar nga tregtarët dhe banorët e vendit. Ai më në fund arrin të lajmërojë nënën e vogëlushes, e cila prej të hënës lufton për të mbijetuar.

Indinjatë

Rrjete sociale të fuqishme kineze menjëherë kanë përhapur reagimet e indinjuara.

“Kjo shoqëri është e sëmurë rëndë. As qentë dhe macet nuk duhet të trajtohen në mënyrë kaq çnjerëzore”, kanë thënë internatet në faqen Sina weibo (Tewitter).

Kinezë të numërt besojnë se zhvillimi i shpejtë ekonomik dhe pasurimi i përgjithshëm i popullsisë kanë ushqyer rritje të egoizmit dhe humbjeje të vlerave për solidaritet në shoqëri.

Mes jetës dhe vdekjes

Spitali, ku vajza është marrë, është treguar shumë pesimist në lidhje me shanset për të mbijetuar vogëlushja. “Ajo nuk është në gjendje t’i qëndrojë një operacioni. Ajo është pothuajse në situatë ku truri veçse ka vdekur “.