CVP-PDC, me ambicie të mëdha në zgjedhjet e 23 tetorit

"Asnjëherë më parë nuk kemi investuar kaq shumë mjete në fushatën zgjedhore", ka thënë Darbelley

　

CVP-PDC ka mbajtur të shtunën në Freiburg një kuvend me delegatët e saj në nivel vendi.

　

Duke iu drejtuar delegatëve, kryetari i partisë Christophe Darbellay ka shprehur synimin e tij që CVP-PDC në zgjedhjet e 23 tetorit të rrisë përqindjen në parlament në 17% nga 14.5% sa ka pasur në zgjedhjet e vitit 2007.

　

“Asnjëherë më parë nuk kemi investuar kaq shumë mjete në fushatën zgjedhore”, ka thënë ai. Darbelley ka thënë se partia e tij është kundër që Zvicra të bëhet një “vend berluskonian”, duke iu referuar paqëndrueshmërisë politike dhe ekonomike të fqinjit të Zvicrës.

　

Ndërkaq shefi i grupit parlamentar të kësaj partie, Urs Schwaller ka thënë se partia e tij është forca me rolin më vendimtar në Parlamentin Nacional. Veç kësaj, ai ka thënë se80 për qind të iniciativave që ka ndërmarrë CVP-PDC në katër vitet e fundit janë pranuar nga populli në votim.

　

Në kuvend ka marrë pjesë edhe Doris Leuthard, ministre në qeverinë e Zvicrës nga kjo parti, dhe ish kryetare e partisë në fjalë.

　

---