Një panel i bukur i yjeve për Festivalin e Filmit Locarno

Festivali i Filmit Locarno, i cili fillon të mërkurën, është momenti i të vërtetës për Olivier Père. Për të dytën herë ai është në krye të këtij evenimenti vjetor, duke vënë gjithmonë në bast filmat e rinj, por pa harruar të stolisë këtë ngjarje me kurorë të famshme internacionale.

Për të rritur interesin e publikut dhe të mediave, ai ka bërë të ditur se këtë vit festivali do të zhvillohet në praninë e Claudia Cardinale, Isabelle Huppert, Harrison Ford, Daniel Craig, Leslie Caron, Bruno Ganz dhe Ingrid Caven.

Një program eklektik

Nga 3 deri 13 gusht, edicioni i 64-të i festivalit përsëri do të ofrojë një program eklektik. Deri në 180 filma, duke përfshirë një retrospektivë kushtuar realizatorit amerikan, Vincente Minnelli, specialisti i komedive muzikale dhe i melodramës hollivudiane.