Siguri e garantuar e centraleve atomike në Zvicër

Duhen ndjekur zhvillimet në Japoni, para se të ndërmerren çfarëdo masash për sigurinë e centraleve atomike të Zvicrës

Ministrja e transportit dhe energjisë, Doris Leuthard ka siguruar opinionin se siguria e centraleve atomike të Zvicrës është e garantuar dhe se aktualisht nuk paraqitet nevoja për të vepruar në këtë drejtim.

Ajo ka shtuar se, sidoqoftë, duhen ndjekur zhvillimet në Japoni, para se të ndërmerren çfarëdo masash për sigurinë e centraleve atomike të Zvicrës.

Posa të kuptohen shkaqet e vërteta të avarisë në centralet atomike japoneze, të dhënat do të krahasohen me gjendjen në Zvicër, ka thënë ajo në një intervistë për radion drs. Dhe vetëm atëherë do të merren në rishqyrtim masat e sigurisë për centralet tona, ka thënë Leuthard.

Në të njëjtën kohë, ministrja e këtij resori, Dors Leuthard ka thënë se deri në sqarimin e plotë të shkaqeve dhe rrethanave të avarisë në Japoni, do të pezullohet realizimi i projekteve për ndërtimin e centraleve të reja në Zvicër.

Ky vendim përkon edhe me kërkesat e shtuara të opinionit të Zvicrës kundër ngritjes së centraleve atomike.

Leuthard nuk ka saktësuar se për çfarüë periudhe kohore bëhet ky pezullim.