Pajtim për revizionin e ligjit mbi pensionet invalidore

Objektiv i revizionit është integrimi i 17`000 pensionistëve invalidorë në punë dhe shkarkimi i arkës pensionale për 500 milionë euro

Dy dhomat e Parlamentit të Zvicrës kanë marrë qëndrim të përbashkët lidhur me revizionin e 6 të ligjit mbi pensionet invalidore. Me këtë veprim, ato kanë mënjanuar dallimet e fundit që kanë ekzistuar në mes tyre në këtë fushë.

Parlamenti me këtë rast ka vendosur të mos themelojë komisione speciale për ndihmë pensionistëve invalidorë gjatë kërkimit të punës. Një gjë e tillë është hedhur poshtë, në veçanti nga shumica e djathtë, për të mos krijuar burokraci shtesë, në vend se vende të reja pune.

Objektiv i revizionit është integrimi i 17`000 pensionistëve invalidorë në tregun e punës. Kjo do të shkarkonte arkën e pensioneve invalidore për 500 milionë franga.

Veç kësaj, revizioni synon rishikimin e pensioneve invalidore me bazë lëndimin e çafës dhe dhembjet me shkak të paqartë.

Shoqatat e personave me aftësi të kufizuara po shqyrtojnë mundësinë e organizimit të një referendumi kundër revizionit të ligjit mbi pensionet invalidore.