Më pak të vdekur në rrugët e Zvicrës

Gjatë vitit 2010 në trafikun e rrugëve në Zvicër kanë humbur jetën 328 persona ose 21 më pak se një vit më parë

Bëhen gjithnjë më të sigurta për qarkullim rrugët e Zvicrës. Ky konstatim mbështetet në statsitikën më të re të Këshillimores për mbrojtje nga aksidentet (BFU) e cila vërteton se gjatë vitit 2010 në trafikun e rrugëve në Zvicër kanë humbur jetën 328 persona ose 21 më pak se një vit më parë.

Ndryshe nga pjesëmarrësit në komunikacion në rrugët automobilistike, këmbësorët gjatë vitit që shkoi kanë pësuar më shumë se në vitin paraprak. Numri i këmbësorëve që kanë humbur jetën në aksidente është rritur nga 60 në 76, njofton këshillimorja në fjalë.

Kjo është arsyeja përse BFU kërkon zvogëlim më konsekuent të shpejtësisë në të gjitha rrugët. Ajo propozon tempon 50 km në orë për rrugët në qytetet edhe fshatra ndërsa tempon 30 për rrugët brenda lagjeve të banuara.