138 vaksina kundër virusit COVID-19 rezultuan të pasuksesshme

Gjetja e një vaksine adekuate që të paktën parandalon virusin, ende nuk është treguar e suksesshme.

Deri më tani janë bërë 138 vaksina nga shumë ekspertë nga bota, për që asnjëra prej tyre nuk tregoi rezultat, transmeton albinfo.ch.

Duket sikur korona është një virus i ri vdekjeprurës, ku ka infektuar miliona njerëz dhe se deri tani s’ka vaksinë e as kurë definitive për të. Ani pse bota është përballur me epidemi si ajo e ebolës, zikës, mersit dhe Sarsit, ku u deshën vite për krijimin e një vaksine, përpjekjet për gjetjen e antidotit të koronavirusit të ri nisën menjëherë pas identifikimit të tij.

Mjeku shqiptaro-gjerman, Halil Kasniqi, ka bërë të ditur se deri më tani janë testuar 138 vaksina në tërë botën për shërimin dhe parandalimin e virusit korona, por që të gjitha kanë dështuar në rezultate. Ai thotë se ky virus është shumë kompleksiv dhe se trajtimi për gjetjen e një vaksine është shumë e vështirë, shkruan albinfo.ch.

Edhe pse autoritetet kineze zbuluan kodin gjenetik të virusit shumë shpejt, gjetja e një vaksine adekuate që të paktën parandalon virusin ende nuk është treguar e suksesshme.

Shumë universitetet nga bota, në veçanti ai i Queensland që punoi për një vaksinë molekulare, ashtu si Moderna Incorporated në Masachusets, e cila bashkoi forcat me Institutin Kombëtar të Sëmundjeve Infektive në SHBA, për të përshpejtuar procesin, rezultuan pa ndonjë efekt. OBSH po koordinon iniciativat globale për krijimin e një vaksine të re, por që rezultatet e saj priten të shihen ditët në vazhdim. /Albinfo.ch

---