1.4 miliard njerëz vuajnë nga uria dhe po kaq nga mbipesha

Kështu ka deklaruar OKB-ja të mërkurën, në vigjilje të Ditës së popullsisë së Botës që është nesër, më 11 korrik.

1.4 miliard njerëz në botë vuajnë nga uria dhe po aq njerëz të tjerë vuajnë nga pesha e tepërt. Këto shifra i ka publikuar OKB-ja të mërkurën, në vigjilje të Ditës së popullsisë së Botës që është nesër, më 11 korrik.

Sipas këtyre statistikave, më shumë se çdo i treti nga këta njerëz me mbipeshë konsiderohen obezë (të trashë), shkruan nzz.ch. Mbipesha, siç dihet është shkaktare e shumë sëmundjeve të ndryshme. Por në të njëjtën kohë 1. 4 miliard njerëz të botës detyrohen të jetojnë me nga vetëm 1 euro në ditë, ose në varfëri.

Sipas vlerësimit të bërë nga organizata për bujqësi në kuadrin e OKB-së, uria në nivel të botës mund të reduktohet në mes 12 dhe 17 për qind nëse gratë do të mund të punonin në bujqësi po aq sa edhe meshkujt.