Zvicra, vendi më i mirë për të planifikuar familjen

Zvicra, me ekonominë stabile, figuron në vendin e parë për shkak të pasurisë, shëndetësisë dhe besimit në institucione

Sipas indeksit për kualitetin e jetës së Economist Intelligenence Unit, vendi më i mirë për të pasur fëmijë është Zvicra.

EIU, motër e kompanisë The Economist Magazine, kualitetin e jetës e përcakton sipas 11 faktorëve: familja, kriminaliteti, besimi në institucione, stabiliteti ekonomik etj.

Parashikimet janë bërë në bazë të projeksioneve deri më 2030, kur një fëmijë i lindur më 2013 hyn në fazën e pjekurisë.

Zvicra, me ekonominë stabile, figuron në vendin e parë për shkak të pasurisë, shëndetësisë dhe besimit në institucione. SHBA-ja është në vendin e 16-të, ngase të rinjtë deri në fazën e pjekurisë do të kenë shumë borxhe për të shlyer, thotë Economist Intelligenence Unit.  Nga pasojat e krizës ekonomike evropiane Franca është e 26-ta, Gjermania e 16-ta, bashkë me SHBA-në dhe Britania e Madhe e 27-ta.

Nigeria është vendi më i keq për të lindur një fëmijë.

Pozicione të tjera interesante kanë zënë Kina, e 49-ta, Rusia e 78-ta. Në rajonin e Ballkanit perëndimor më së miri qëndron Sllovenia, e 32-ta, Greqia e 34-ta, Kroacia e 46-ta, Serbia e 54-ta, Bullgaria e 61-ta, ndërsa Maqedonia nuk figuron askund në listë.