Zvicra fiton me 3 golat e Shaqirit!

Autor i të tre golave është superylli i kombëtares zvicerane, shqiptari nga Kosova, Xherdan Shaqiri

Në ndeshjen e kombëtares së Zvicrës kundër Bullgarisë fitoi Zvicra me rezultat 3 me 1. Autor i të tre golave është superylli i kombëtares zvicerane, shqiptari nga Kosova, Xherdan Shaqiri.

Ndeshja, pas një loje të nivelizuar ndërroi kahje në minutën e nëntë kur një dush i ftohtë ngriu për pak shpresat e zviceranëve, kur skuadra mysafire përmes sulmuesit të saj Ivanov shënoi golin e parë 0 me 1 për bullgarët. Ndeshja pastaj mori rrjedhë tjetër.

Zviceranët mobilizuan radhët por, deri në minutën e 48 (vazhdim i pjesës së parë për 4 minuta) rezultati mbeti po ai. Në këtë minutë Shaqiri, i shërbyer nga Derdiyok, shënoi një gol të bukur.

Sërish në minutën 62 është Shaqiri ai që shënon golin e dytë, atë të epërsisë 2:1 për Zvicrën. Kësaj radhe shënimin ia ka mundësuar Mehmedi. Loja është në vazhdimësi në anën e zviceranëve. Dhe vjen minuta e 90, kur edhe njëherë Xherdan Shaqiri shënon 3 me 1 për Zvicrën.

Të tre golat i ka shënuar Xherdan Shaqiri. Tribunat e stadiumit St.Jakob-Park në Bazel, ndonëse jo të mbushura plotë, jehojnë nga brohoritjet: Shaqiri, Hop-Schwiz.

Nga lojtarët tjerë shqiptarë, Xhaka dhe Xhemaili kanë luajtur tërë ndeshjen ndërsa Mehmedi është zëvendësuar në minutën 81.