Diaspora ka dërguar 310 milionë euro në Maqedoninë e Veriut gjatë vitit të kaluar

Gjatë vitit të kaluar, mërgimtarët kanë transferuar rreth 310 milionë euro në Maqedoninë e Veriut, shifër që përfaqëson afërsisht 2 për qind të Prodhimit të Brendshëm Vendor. Të dhënat tregojnë se, ndonëse vendi regjistron suficit, dërgesat personale nga jashtë kanë shënuar rënie në vitet e fundit.

Në terma absolutë, remitancat kanë qenë më të larta në vitin 2022, kur arritën në 331 milionë euro, ndërsa në vitin 2023 shënuan 319 milionë euro, për të rënë më pas në 310 milionë euro vitin e kaluar.

Në krahasim me vendet e tjera të rajonit, diaspora e Serbisë kryeson për nga vlera e dërgesave financiare, me rreth 4.47 miliardë euro. Pas saj renditen Bosnja dhe Hercegovina me 1.99 miliardë euro, Kosova me 1.32 miliardë, Shqipëria me 1.28 miliardë euro, si dhe Mali i Zi me 345 milionë euro.