Zviceranët mbledhin 6’162’076 franga për fëmijët refugjatë pa prindër

Me donacionet “Jeder Rappen zählt” (çdo cent ia vlen) do të mbështeten projekte humanitare në Zvicër dhe jashtë vendit për të ndihmuar fëmijët refugjatë nën 18 vjet

Keystone

Nga 18 deri më 23 dhjetor të vitit 2016, donacioneve në kutinë prej qelqi i kanë kontribuar ministra, muzikantë, humoristë dhe sportistë. Me praninë e tyre  ata kanë bërë që shuma e donacioneve të rritet, raporton SRF, përcjell albinfo.ch.

Me donacionet “Jeder Rappen zählt” (çdo cent ia vlen) do të  mbështeten projekte humanitare në Zvicër dhe jashtë vendit për të ndihmuar fëmijët refugjatë nën 18 vjet.

Të vegjlit dhe refugjatët kanë nevojë për mbështetje të veçantë në fushën e mbrojtjes së fëmijëve, shëndetësisë dhe arsimit pas mbërritjes në një vend pritës.

Po ashtu kanë nevojë për mbështetje profesionale psiko-sociale dhe për masat e duhura të integrimit.

Në të gjithë botën janë më shumë se 65 milionë njerëz në arrati – vetëm gjatë Luftës së Dytë Botërore ka pasur më shumë. Gjysma e tyre janë rreth moshës 18 vjeç. Gati 100 mijë të mitur janë në arrati vetëm pa prindërit e  tyre.