Zviceranët i besojnë sistemit politik të vendit të tyre

në listën prej 20 shteteve evropiane, Zvicra zë vendin e pestë. Para saj janë, si zakonisht, shtetet skandinave: Danimarka, Suedia, Finlanda si dhe Holanda

Zvicra, e njohur për demokracinë e saj direkte konsiderohet me të drejtë si një nga vendet ku populli ka besimin e duhur në institucionet që e përfaqësojnë vullnetin e tij. Se është kështu, e konfirmon edhe një studim i publikuar së fundi nga Instituti për Ekonomi Gjermane (IW).

Studimi kishte për qëllim konstatimin se sa besim kanë qytetarët në sistemin politik të vendit të tyre. Siç mund të lexohet në një artikull të gazetës “Welt am Sonntag” në listën prej 20 shteteve evropiane, Zvicra zë vendin e pestë. Para saj janë, si zakonisht, shtetet skandinave: Danimarka, Suedia, Finlanda si dhe Holanda.

“Këto vende i karakterizon një përzierje e duhur në mes të besimit dhe kontrollit”, shkruan iw. Në të kundërt, në vendet e kapluara nga kriza si Greqia, Italia dhe Portugalia ka humbur besimi në strukturat demokratike.