Zhbërja e Speciales, shtetet perëndimore tërheqin njohjet dhe largohet KFOR-i

Deputeti i Kuvendit të Kosovës, Milaim Zeka, me anë të një statusi në rrjetet sociale është shprehur se ka biseduar me ambasadorin e Britanisë së Madhe, Ruairi O’Connell, dhe se ai i ka thënë se nëse zhbëhet Gjykata Speciale, atëherë shtetet perëndimore do ta tërheqin njohjen për shtetin e Kosovës dhe KFOR-i do të largohet nga vendi, përcjell albinfo.ch.

“Kosova ndodhet përpara një vullkani historik. Kosova ndodhet para një humbjeje historike. Sonte po ju përcjell vetëm një mesazh të ambasadorit britanik, i cili me tha në Kuvendin e Kosovës se: Shfuqizimi i ligjit për Gjykatën Speciale do të përkthehet në detyrim të vendeve perëndimore për tërheqjen e njohjes së pavarësisë së Kosovës si dhe largim të forcave të KFOR-it nga Kosova”, ka shkruar Zeka në rrjetet sociale.

Madje, Zeka ka shtuar se Kosova do të izolohet sikurse Koreja e veriut.