Ylli Sallahi, nga Bajerni në Karsruhe SC

Ai deri më tash ka qenë në radhët e Bayernit por ka luajtur në njërin nga ekipet dytësore të klubit të madh, gjegjësisht në garat regjionale

Ylli Sallahi, një yll i ri i futbollit me prejardhje nga Kosova do të luajë për Karlruhe SC, që bën gara në bundesligën e dytë gjermane. Futbollisti defanziv 20 vjeçar deri më tash ka qenë në radhët e Bayernit por ka luajtur në njërin nga ekipet dytësore të klubit të madh, gjegjësisht në garat regjionale.

Me Karlsruhe SC Sallahi ka nënshkruar njüe kontrate që vlen deri në vitin 2018.

Sallahi ndërkaq është pjesë e kombëtares së Austrisë (U21), vend ky në të cilin është rritur dhe ku i jeton familja.

“Jemi të lumtur që Ylli ka vendosur për ne”, ka thënë drejtori sportiv i klubit, Jens Todt. “Ai është një lojtar teknikisht i fortë dhe variabël, i cili mund të luajë në shumë pozicione në mesin e fushës por mund të angazhohet edhe si mbrojtës i majtë . Veç kësaj, Sallahi është po ashtu edhe një shënues i rrezikshëm nga pozitat standarde.