Ylli i Bayern-it surprizoi fansen shqiptare në Gjermani

Javi Martinez surprizon fansen shqiptare që kishte shkuar në Gjermani për të parë ndeshjen e Champions-it

Në një postim në Instagram, futbollisti spanjoll, Javi Martinez i clili luan për klubin gjerman, Bayern, ka surpizuar fansen shqiptare, vajzen e quajtur Amalja, transmeton albinfo.ch

Vajza shqiptare, kishte shkuar me makinë drejt Gjermanisë për të ndjekur futbollistin e saj të preferuar Javi Martinez në ndeshjen e “Champions League” mes Bayern Munich dhe Tottenham dbe duket se aty ka përjetuar një nga momentet më të bukura të jetës së saj.

Ajo është surprizuar pa masë kur mesfushori i Bayern u shfaq papritur në kafen ku ajo ishte ulur.

Siç shihet dhe në video, vajza shqiptare s’po u besonte syve kur pa idhullin e saj aty. Mesfushori 31-vjeçar i dhuroi Amaljas një bluzë dhe mbishkrimin e tij dhe kaluan disa minuta bashkë në lokal.

Më poshtë mund ta lexoni postimin e plotë Javi Martinez:

Unë surprizova Amaljan, një nga fanset e mia më të mëdha, me një dhuratë të vogël dhe me një kafe para Krishtlindjeve në Mynih. Ajo erdhi nga Shqipëria me makinë vetëm për të parë ndeshjen e djeshme. Kalova shumë bukur me të!”

Ndeshja mes Bayern dhe Tottenham u luajt mbrëmjen e djeshme në “Allianz Arena” dhe u fitua nga bavarezët me rezultatin 3-1, të cilët e mbyllën fazën në grupe me pikë të plota, duke i fituar të 6-të sfidat në grupin B.

 

---