Lajme
Mentor Ilazi u zgjodh kryetar i Shoqatës së Inxhinierëve Shqiptarë në Zvicër
Ai u zotua që do të vazhdojë të punojë me vullnet e gatishmëri për të hapur mundësi të reja bashkëpunimi e zhvillimore në Zvicër dhe në vendet e origjinës
Më 9 shtator, në Bernë, u mbajt Kuvendi Zgjedhor i Shoqatës së Inxhinierëve shqiptarë (Albanian Engieering of Switzerland) në Zvicër.
Takimit i priu një program i pasur nga shoqata kulturore artistike shqiptare ‘Bashkimi’ me këngë e valle popullore shqiptare nga fëmijët e kësaj shoqate.
Rexhep Gashi, kryetar i deritashëm shoqatës hapi takimin me një fjalim mbi rëndësinë dhe vlerat e kësaj shoqate, me ç`rast ceku rolin e inxhinierëve shqiptarë në zhvillimin e shoqërisë. Ai tha se janë mbi 150 inxhinierë shqiptarë në Zvicër të cilët po japin një kontribut të jashtëzakonshëm.
Kurse Tefik Selmani, anëtar i kësaj shoqate, foli për historikun, vështirësitë e para të krijimit dhe inaugurimit të kësaj shoqate. Ai gjithashtu foli për projektet e realizuara në të kaluarën si dhe për mundësitë e hapura në të ardhmen.
Këtë takim e përshëndeti edhe ambasadori i Republikës së Kosovës z. Sami Ukelli, përmes një ‘videomesazhi’ i cili i inkurajoi të gjithë anëtarët e kësaj shoqate si dhe i falënderoi për punën e tyre. Në këtë takim ishin të pranishëm edhe diplomatë nga Republika e Shqipërisë si dhe aktivistë tjerë shoqëror e kulturor.
Punimet e Kuvendit u hapën nga kryetari aktual i shoqatës, Rexhep Gashi dhe Enver Alijaj, anëtar i kësaj shoqate, të cilët prezantuan strukturën e Kuvendit, zgjedhjen e bordit menaxhues si dhe zgjedhjen e kryetarit të ri të kësaj shoqate. Me këtë rast, duke respektuar rregullat, në mënyrë unanime, Mentor Ilazi (inxhinier) u zgjodh kryetar i kësaj shoqate.
Kryetari i sapozgjedhur, Mentor Ilazi përsëendeti Kuvendin dhe pjesëmarrësit si dhe falënderoi të gjithë anëtarët e kësaj shoqate për besimin e mundësinë e dhënë. Ai u zotua që do të vazhdojë të punojë me vullnet e gatishmëri për të hapur mundësi të reja bashkëpunimi e zhvillimore jo vetëm në Zvicër, por edhe në vendet e origjinës, Shqipëri, Kosovë, Maqedoni etj. Ai tha që të gjithëve na bashkon gjuha dhe kultura.
Të pranishmit në shenjë falënderimi mbyllën punimet me ngrohtësi e duartrokitje dhe në fund pasoi darka.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?