Xhaka afër Arsenalit

Mediat ndërkombëtare shkruajnë se Granit Xhaka do t’i bashkohet Arsenalit gjatë verës. Së fundi është “bleacherreport.com”, ajo që shkruan se londinezët kanë fituar garën për mesfushorin shqiptar, shkruan albinfo.ch.

Sipas të përditshmes gjermane ‘Bild’, Topçinjtë janë në ‘pole-position’ për Xhakën, i cili ka qenë një synim i gjatë i klubit.

Spekulohet se londinezët do të paguajnë rreth 50 milionë euro për Xhakën dhe nuk është më fshehtësi që Arsene Wenger e dëshiron lojtarin. Gjithashtu raportohet se Wenger është takuar me Ragip Xhakën, babain e futbollistit njëherësh edhe menaxher i tij.

23-vjeçari nga viti 2012 është në Monchengladbach, ku kaloi nga Baseli dhe ka bërë paraqitje mjaft të mira si në Bundesligë ashtu edhe në Ligën e Kampionëve.