Vozitja si i lodhur njësoj si ajo në gjendje të dehur

Sipas një studimi të “AAA Foundation for Traffic Safety”, humbja e vetëm pak orëve të gjumit para vozitjes i bënte shoferët dy herë më të rrezikshëm në trafik në krahasim me shoferët tjerë

Shkencëtarët nga “UCLA” dhe Universiteti i Tel Avivit kanë studiuar pacientët që kanë shfaqur lodhje dhe kanë gjetur se truri i tyre është ngadalësuar dhe ka qenë më pak efikas në marrjen dhe qasjen e pamjeve.

Ky efekt ngadalësues u krahasua me efektet e dehjes së njerëzve.

Duke vendosur elektrode në trurin e njeriut dhe duke matur përgjigjet e 1500 qelizave të trurit në procesin e perceptimit të pamjeve dhe memories, hulumtuesit kanë gjetur se njerëzit më pak arrinin t’i vendosnin “pamjet në mendime”.

Dr. Itzhak Fried, shkencëtari që udhëhoqi studimin, ka thënë se duhet të bëhet më shumë për të ndalur vozitjet si të lodhur. Ai ka shpjeguar për “Auto-Express” se sa më i lodhur që të jetë një shofer, perceptimi vizual i tij ngadalësohet.

Studimi më i ri ndjek rezultatet e një të kaluari që kishte konkluzione të ngjashme. Sipas një studimi të “AAA Foundation for Traffic Safety”, humbja e vetëm pak orëve të gjumit para vozitjes i bënte shoferët dy herë më të rrezikshëm në trafik në krahasim me shoferët tjerë, transmeton Albinfo.ch.

Të dy studimet kanë gjetur se lodhja e shoferit ka efektet e njëjta si me njerëzit e dehur.