Vjosa Osmani nuk futet në Kuvend fare

Kryetarja e Kuvendit, Vjosa Osmani, nuk do të jetë e pranishme në seancën ku pritet të votohet Qeveria e re e LDK-së.

Seanca do të drejtohet nga nënkryetari Kujtim Shala.

Po ashtu, edhe deputeti i Nisma-s, Haxhi Shala, nuk do të jetë në sallën e Kuvendit.

Tashmë ka filluar seanca, ndërkohë që zonja Osmani, nuk është duke e udhëhequr këtë seancë.

Ndryshe, gjatë ditës së djeshme Kryetarja e Kuvendit Osmani hodhi idenë e një qeverie tranzitore deri në mbajtjen e zgjedhjeve të reja.

Ajo ka kundërshtuar fuqishëm rrëzimin e qeverisë Kurti, madje ka votuar edhe kundër rrëzimit të saj me 25 Mars.