Vihet gurthemeli i muzeut të gjenocidit “Bllaca 99”

Ramush Haradinaj (Facebook)

Sot, në Bllacë është vënë gurthemeli i Qendrës përkujtimore të gjenocidit serb në Kosovë “Bllaca 99”, shkruan albinfo.ch.

Në vënien e gurthemelit ka marrë pjesë edhe kryeministri i Kosovës, Ramush Haradinaj, i cili ka thënë se ky muze do të jetë zë kundër harresës.

“Sot, vendosëm një shenjë të gjithkohshme, gurthemelin e një shtëpie të jashtëzakonshme, që flet më zërin e ndërgjegjes kundër harresës dhe mizorisë së njeriut ndaj njeriut! Qendra Përkujtimore e gjenocidit serb në Kosovë “Bllaca ‘99”, po ngritet në respekt dhe përkujtim të vuajtjeve, por edhe rezistencës së 440 mijë refugjatëve shqiptarë të Kosovës, që kanë kalu nepër Kampin e Bllacës dhe e cila do të shërbejë edhe si falënderim i përjetshëm botës demokratike, të prirë nga ShBA, që ia mbylli rrugën me drejtësi mizorisë, për ta rikthyer shpresën e një populli”, ka shkruar Haradinaj, përcjell albinfo.ch.

Para 20 vitesh, në këtë fshat kufitar mes Kosovës dhe Maqedonisë, kishin qëndruar mijëra refugjatë nga Kosova, që ishin dëbuar nga serbët gjatë luftës në Kosovë.