Vetura më e shtrenjtë në botë

Do të kushtojë përafërsisht 3.5 milionë dollarë, dhe është prodhuar në Liban

Këtyre ditëve në Qatar Motor Show do të prezantohet  automobili më i shtrenjtë në botë, i quajtur “Lykan hypersport”.  Do të kushtojë përafërsisht  3.5 milionë dollarë, dhe është prodhuar në Liban.

Për të justifikuar çmimin e veturës superluksoze  disenjatorët e kanë zbukuruar atë nga brenda me  ari dhe diamante.

Edhe ata me xhepa të thellë do të duhet të shpejtojnë ngase do të prodhohen vetëm shtatë automobila të tillë.  Kjo super  veturë për 2.7 sekonda do të mbërrijë prej 0 në 100 kilometra me shpejtësi prej 390 km / h. Motori është prodhuar në kompaninë “W motors”, e cila është e vendosur në Bejrut. 

Super vetura vihet në lëvizje nga jo më pak se 750 kuaj fuqi. Dizajneri libanez, Ralph Debas tha se për zhvillimin e  këtij lloji të veçantë i është dashur jo më pak se gjashtë vjet.