Vendi ku më së shumti dhurohen organet

Gjatë vitit të kaluar në Spanjë janë transplantuar një rekord prej 5,259 organesh, kryesisht veshkave dhe mushkërive

foto ilustrim

Spanja mbetet një lider botëror për dhurimin e organeve, dhe ky pozicion është mbajtur prej vitesh.

Sipas Ministrisë spanjolle të Shëndetësisë, numri i donatorëve në vitin 2017 është rritur me më shumë se tetë për qind. Numri i përgjithshëm i organeve të dhuruara është 2.183, njoftoi Ministria spanjolle, shkruan albinfo.ch.

Gjatë vitit të kaluar në Spanjë janë transplantuar një rekord prej 5,259 organesh, kryesisht veshkave dhe mushkërive.

Për të shpjeguar rezultate të tilla mbresëlënëse, ministrja e Shëndetësisë, Dolores Montserrat, deklaroi se Spanja është “vendi më i pasur në botë me sistemin më të mirë të kujdesit shëndetësor”.

“Gjithnjë e më shumë njerëz dhurojnë organe për të shpëtuar jetën”, tha ajo.

Sipas statistikave, Spanja ka 46.9 milionë donatorë, që është një rekord tjetër. Kjo normë po rritet nga viti në vit. Nga ana tjetër, një vend në rajon, që është Kroacia, ka qenë pas Spanjës prej vitesh, por donacionet po zvogëlohen atje.

Sipas të dhënave nga rrjeti i donatorëve kroatë, në vitin 2016 kishte 34.8 dhurues për një milion banorë.