Vatikani konfirmon: 4 gardistë zviceranë të Papës kanë rezultuar pozitivë

Mbrëmë ishte përfolur nga mediat ndërsa sot edhe drejtori i Shtypit të Selisë së Shenjtë, ka konfirmuar katër raste infeksioni

Se edhe ushtria më e vogël në botë, (siç konsiderohet garda zvicerane që mbron Papën) një ditë do të prekej nga koronavirusi, nuk është asgjë e pazakontë.

Mbrëmë ishte përfolur nga mediat ndërsa sot edhe drejtori i Shtypit të Selisë së Shenjtë, ka konfirmuar katër raste infeksioni, shkruan srf.ch. Një qarkore e lëshuar nga komandanti i Gardës në lidhje me rastet aktuale, ngre disa pikëpyetje.

Aty thuhet: “Tani e tutje është e detyrueshme vënia e maskës në gjithë zonën e kazermave të gardës, transmeton albinfo.ch. Distanca e sigurisë personale duhet të respektohet në mënyrë rigoroze kudo. ”

A do të thotë kjo se deri më tani brenda Shtetit Papnor gardistët zviceranë të Atit të Shenjtë nuk kanë qenë të detyruar të ndjekin rregulloret e higjienës? Ato, në Romë janë në fuqi që nga fillimi i tetorit ndërsa në gjithë Italinë, që nga e enjtja, përcjell albinfo.ch. Në letër thuhet: “Në konsultim me Drejtorinë e Shëndetit të Vatikanit, menjëherë do të merren masat e mëposhtme…” (që u përmendën më lartë, v.j.).

A nuk janë zbatuar masat kufizuese të rajonit të Lazios, (i cili rrethon Vatikanin) nga ku shkojnë për të punuar shumë punonjës çdo ditë në shtetin e Vatikanit?

Korrespondenti i SRF në Vatikan, Philipp Zahn, shpjegon: “Askush nga ne të huajt nuk e di se si është gjendja në lagjen e gardistëve, transmeton albinfo.ch. Komandanti i Gardës Zvicerane pritet të publikojë një komunikatë në orët e ardhshme dhe të hedhë më shumë dritë rreth asaj se sa roje kanë rezultuar pozitivë për Covid-19 “.

---