“Uslender Production” nxjerr albumin e dytë

Me albumin e dytë “Zrug im Summer” (Mbrapa, në verë) që ka promovuar ditë më parë, Uslender Production e “lanson” në një mënyrë të veten verën 2013

“Uslender Produktion”, i themeluar nga Granit Dervishaj alias “Baba Uslender” me anëtarin e ri “Mustaf”, ka kohë që nuk janë më vetëm një fenomen i rastësishëm nga YouTube. Tre personat që identifikohen me produksionin në fjalë, “Baba Uslender”, EffE dhe Ensy dgjatë vitit të kaluar kanë bërë mijëra miq në Facebook dhe kanë marrë mbi 5 milionë klikime.

Me albumin debutues “Schwarzi Schoof” (Delja e zezë), që në pjesën më të madhe është bërë nën producentin Gimma, ka zënë vendin e 17 në toplistën e albumeve zvicerane, vetëm përmes shitjes në imunes! Grupi ka pasur paraqitje në televizione të ndryshme si JOIZ, SRF, intervista të shumta nëpër radio dhe paraqitje tjera para medieve.

Baba uslender, EffE dhe Ensy janë bërë magnet për publikun dhe janë vërshuar me reaksione pozitive nga mediet dhe publiku i tyre, shkruan neps.ch. Është ky fillimi i një rrëfimi të suksesit.

Me albumin e dytë “Zrug im Summer” (Mbrapa, në verë) që ka promovuar ditë më parë, Uslender Production e “lanson” në një mënyrë të veten verën 2013, e cila duket se po vonon shumë. Në album janë të përfaqësuar të gjithë anëtarët e grupit, dhe sërish tregohen mjaft kreativë. Mee një përzierje në mes të muzikës HipHop dhe Party-Tunes, me kitara ritmike që vijnë nga anëtari më i ri. Sean Ferrari, grupi po tërheq sërish vëmendjen e publikut.