Ushtria shkurton shërbimin bazë në 18 javë

Në objektivat e tij për të reformuar forcat ushtarake, Dhoma Nacionale e Parlamentit të Zvicrës synon shkurtimin e kohës së ushtrimeve ushtarake (shkolla e rekrutëve). Kështu, pasi që Dhoma e Kantoneve tashmë ka vendosur me shumicë votash, edhe nacionalja planifikon shkurtimin nga 21 jave sa ka qenë në 18 javë të kohës për ushtrime ushtarake bazë.

Por, Dhoma Nacionale kërkon që kurset përsëritëse të ushtrimeve të zgjate gjegjësisht të dyfishohen nga 3 javë sa janë tash në 6 javë në vit. Dhoma e Kantoneve kishte kërkuar që këto kurse të shkurtoheshin në pesë javë gjë që ishte kundërshtuar nga Dhoma Nacionale si kohë tepër e shkurtë.

Me gjithë pajtimin parimor të arritur në mes të dy dhomave, vazhdon të mbetet ende çështje kontestuese çështja se sa e madhe do të jetë ushtria dhe sa do t`i kushtojë ajo buxhetit të Zvicrës.