Udhëtimi i pabesueshëm i biçikletave të vjedhura nga Bazeli deri në Shqipëri e Kosovë

Ilustrim, Unsplash

Çdo vit, në Zvicër vidhen dhjetëra mijëra biçikleta, përfshirë shumë biçikleta elektrike. Një investigim i programit “Rundschau” nga SRF zbuloi se biçikletat e vjedhura nga Bazeli shpesh përfundojnë në vendet e Ballkanit, përfshirë Shqipërinë dhe Kosovën, transmeton albinfo.ch.

Rasti i një biçiklete elektrike me GPS të integruar që u vodh në Basel tregon se këto sende trafikohen përtej kufijve, shpesh për financimin e tregtisë së drogës. Policia zvicerane po përballet me një rritje prej 50% të vjedhjeve të biçikletave në 5 vitet e fundit, ndërsa bashkëpunimi ndërkufitar kërkohet urgjentisht për të luftuar këtë fenomen.

Në Shqipëri, policia ka sekuestruar biçikletën e vjedhur dhe ka nisur hetimet për tregti të mundshme të mallrave të vjedhura. Ekspertët paralajmërojnë se rrjetet e trafikut mund të përfshijnë edhe kontrabandë droge.

Policia në Bazel rekomandon përdorimin e kyçeve të forta dhe lidhjen me zinxhir për të parandaluar vjedhjet, ndërsa autoritetet kërkojnë një strategji të përbashkët ndërkombëtare për të parandaluar dhe ndjekur vjedhjet e biçikletave.