Lajme

Tre ushtarë me rrënjë shqiptare dekorohen për shpëtimin e jetës së një gruaje

Në mesin e të nderuarve janë edhe tre ushtarë me rrënjë shqiptare: Albin Ukzmaili, Harbin Hasani dhe Edmir Rrafshi

E diel, 19 Tetor 2025 - 0:04 albinfo.ch

Më 7 tetor 2025, Shefi i Forcave të Armatosura të Zvicrës, Komandanti i Korpusit Thomas Süssli, u ka ndarë disa pjesëtarëve të Forcave të Armatosura “Shiritin e Forcës së Armatosur”.

Ushtarët e nderuar me Shiritin e Forcës së Armatosur e kanë merituar këtë me faktin se kanë ruajtur qetësinë dhe kanë vepruar me përgjegjësi, duke nxituar në ndihmë të shokëve të tyre dhe civilëve, duke parandaluar më të keqen.

Në mesin e të nderuarve janë edhe tre ushtarë me rrënjë shqiptare: Albin Ukzmaili, Harbin Hasani dhe Edmir Rrafshi.

 

View this post on Instagram

 

A post shared by Schweizer Armee (@armee.ch)

Ata janë dekoruar sepse i kanë dhënë ndihmën e parë një gruaje që ishte rrëzuar pa ndenja pranë kazermës së tyre. Ata janë ndërruar me njëri-tjetrin duke i dhënë gruas së përemendur masazhin e zemrës dhe kanë njoftuar policinë dhe shërbimet përkatëse të shpëtimit. Ky veprim i tyre i menduar mirë ka stabilizuar gjendjen e pacientes, e cila më pas është dërguar në spital.

Ky çmim nderon anëtarët e Forcave të Armatosura Zvicerane të cilët kanë demonstruar një angazhim të jashtëzakonshëm në situata kritike.

 Të tjera nga Lajme

Nga familja në shërbim të qytetit: çifti shqiptar zgjidhet në Këshillin Komunal të Yverdon-les-Bains

 E-Diaspora

 Jeta në Austri