Transplantimi, vetëm me pëlqimin paraprak të dhuruesit

Vitin e kaluar kanë vdekur dy persona në javë në pritje të një organi të dhuruar për transplantim

Dhoma Nacionale e Parlamentit të Zvicrës u ka dhënë fund dilemave rreth ligjit mbi transplantimin e organeve. Ai i ka rrafshuar diferencat që kishte me Dhomën e Kantoneve lidhur me atë nëse për marrjen e një organi për transplantim nevojitet pëlqimi eksplicit i dhuruesit potencial të organit ose jo.

Dhe, vendimi është: pëlqimi nevojitet patjetër që domethënë se mbetet në fuqi sistemi i deritashëm sipas të cilit organet mund të merren vetëm nëse dhuruesi i mundshëm është shprehur paraprakisht dhe në mënyrë eksplicite për dhurim, njofton srf.ch.

Ata që donin ta ndryshonin këtë sistem kishin parasysh gjendjen alarmante në sferën e transplantimeve në Zvicër. Vitin e kaluar kanë vdekur dy persona në javë në pritje të një organi të dhuruar për transplantim.

Me një kuotë dhurimi organesh prej 14.4 në 1 milion banorë, Zvicra është afër pjesës së poshtme në nivel të Evropës.