Tifozët e Partizanit të Beogradit kapen me drogë dhe lëndë shpërthyese

Dje, para ndeshjes futbollistike në mes të YB të Bernës dhe Partizanit të Beogradit në Bernë, Policia e Kantonit të Bernës ka ndaluar gjashtë tifozë të Partizanit. Atyre u është gjetur drogë dhe gjësende për maskim. Një person tjetër është arrestuar i maskuar para stadiumit pasi që kishte ndezur një objekt shpërthyes (petardë).

Një person i gjashtë është ndaluar nga policia për shkak të konfliktit që kishte shkaktuarnë mes të tifozëve mysafirë, shkruan bernerzeitung.ch.

Që të gjithë të ndaluarit janë lëshuar të lirë gjatë mbrëmjes së të enjtes, njofton të premten Policia Kantonale e Bernës, transmeton albinfo.ch.

Personi 23 vjeçar, të cilin policia e akuzon për ndezjen e mjeteve piroteknike, do të përgjighjet para drejtësisë për shkelje të ligjit mbi mjetet shpërthyese. Ndërsa një 19 vjeçar është paditur për shkelje të ligjit mbi mjetet narkotike.

Kontrollimet ishin bërë pasi që rojat kufitare kishin konfiskuar nga tifozët e Partizanit që në kufi materiale për maskim, një thikë dhe mjete piroteknike.