Zvicër: Të sëmurët me Covid-19, do të marrin vetëm njërën dozë të vaksinës

Të përjashtuar nga ky rekomandim janë personat me mungesë të imunitetit, të cilët do të vazhdojnë të marrin dy doza vaksine

Në Zvicër, njerëzit që kanë sëmundjen Covid 19 në të ardhmen do të vaksinohen vetëm me një dozë vaksine.

Kështu ka përshtatur Qeveria Federale rekomandimet e saj për vaksinat e prodhuesve Pfizer / Biontech dhe Moderna, në përputhje me rrethanat, raporton srf.ch

Të përjashtuar nga ky rekomandim janë personat me mungesë të imunitetit.

Ata do të vazhdojnë të marrin dy doza vaksine, kanë njoftuar të mërkurën Zyra Federale e Shëndetit Publik (BAG) dhe Komisioni Federal për Çështjet e Vaksinimit (EKIF).

Për njerëzit me sëmundje të konfirmuar Covid 19, vaksinimi tani rekomandohet të bëhet vetëm gjashtë muaj pas infektimit, transmeton albinfo.ch. Edhe këtu, po ashtu përjashtohen njerëz veçanërisht të prekshëm, të cilët duhet të vazhdojnë të vaksinohen pas tre muajsh.

---