Tani ikin edhe rusët: Me mijëra po strehohen në Finlandë

Shumë njerëz në Rusi kanë frikë se Rusia mund të vendoset nën ligjin ushtarak dhe më pas kufijtë do të mbyllen

Hekurudhat finlandeze janë detyruar të zgjerojnë lidhjet e tyre me tren nga St. Petersburgu i Rusisë në kryeqytetin Helsinki: Gjithnjë e më shumë rusë duan të largohen nga vendi i tyre.

Mijëra kanë mbërritur tashmë në Finlandë, ka raportuar stacioni televiziv finlandez Yle.

Përveç trenit “ekspres Allegro”, të gjithë autobusët në rrugën afërsisht 400 kilometra midis St. Petersburg dhe Helsinkit janë plo, transmeton albinfo.cht. Në drejtim të kundërt, automjetet dhe rrugët janë praktikisht bosh. Rusia dhe Finlanda ndajnë një kufi që është rreth 1300 kilometra i gjatë.

Shumë njerëz në Rusi kanë frikë se Rusia mund të vendoset nën ligjin ushtarak dhe më pas kufijtë do të mbyllen, raporton më tutje transmetuesi finlandez.

Megjithatë, presidenti rus Vladimir Putin ka deklaruar se aktualisht nuk sheh kushte për shpalljen e gjendjes ushtarake në Rusi.

---