Sulmet kibernetike në aeroportet amerikane, dyshimi te hakerët rus

Fluturimet nuk u ndikuan nga sulmi dhe faqet e internetit u rivendosën sërish në funksion

Një grup hakerësh rus akuzohet se qëndron pas një sulmi kibernetik në aeroporte të shumta amerikane, duke përfshirë LaGuardia të Nju Jork-ut dhe Chicago O’Hare, faqet e internetit të të cilëve dolën jashtë shërbimit.

Aeroporti LaGuardia mendohej të ishte i pari që raportoi problemet të hënën në mëngjes në Agjencinë e Sigurisë Kibernetike dhe Sigurisë së Infrastrukturës.

Sulmi në LaGuardia u pasua shpejt nga të tjerë në më shumë se një duzinë aeroporte në të gjithë botën, teksa  CNN raportoi 14 incidente të veçanta të hënën në aeroportet amerikane, transmeton albinfo.ch.

Aeroportet e tjera, faqet e internetit të të cilëve përjetuan probleme ishin Aeroporti Ndërkombëtar Des Moines, Aeroporti Ndërkombëtar i Los Anxhelosit dhe Aeroporti Ndërkombëtar i Atlantës.

Një zyrtar i lartë qeveritar i tha ABC News të hënën se hakerat ndodheshin brenda Rusisë, ndërsa Administrata e Sigurisë së Transportit i tha CNN se po monitoronte situatën. Fluturimet nuk u ndikuan nga sulmi dhe faqet e internetit u rivendosën sërish në funksion.

Ndërsa mbetet e paqartë se cili grup i kreu sulmet, CNN raportoi se grupi i hakerave pro-Kremlinit Killnet kishte listuar disa aeroporte amerikane si objektiva.

Grupi në fjalë mori përgjegjësinë për rrëzimin e faqeve të internetit të qeverive të shteteve amerikane javën e kaluar dhe në korrik. Killnet është fajësuar gjithashtu për shënjestrimin e organizatave në Lituani mbi sanksionet dhe hakmarrjen e vendit të Evropës Lindore kundër pushtimit rus të Ukrainës, si dhe vende të tjera si Italia, Norvegjia dhe Letonia për mbështetjen e Ukrainës kundër pushtimit rus.

---