Studimi: Omicron pritet të godasë më shumë në janar

Keystone

Një studim i gjerë i kryer në Britaninë e Madhe sugjeron se kulmimi i valës së infeksioneve të shkaktuara nga varianti i ri i COVID-19, i quajtur Omicron, do të mbërrijë në muajin janar dhe në pranverë numri i viktimave mund të shkojë nga 25 mijë deri në 75 mijë në ditë.

Hulumtimi bazohet në supozimin që Omicron është më pak i rëndë nëse jeni vaksinuar dhe gjithashtu merr parasysh masat aktuale kufizuese në fuqi në Britaninë e Madhe. Marrja e lartë e dozës përforcuese ka të ngjarë të zbusë ndikimin e valës Omicron, thanë studiuesit.

Një nga autorët tha se Omicron po përhapej “shumë shpejt”, ishte “mjaft shqetësues” dhe kishte të ngjarë të ishte forma dominuese e virusit në Angli deri në fund të vitit.

Raporti thotë se numri i personave të infektuar aktualisht po dyfishohet çdo 2.4 ditë në Angli. Kjo pavarësisht se vendi ka nivele të larta vaksinimi dhe është më i shpejtë se forma origjinale e përhapjes së virusit kur askush nuk kishte mbrojtje.