Kosova

Stoltenberg: Aleanca ushtarake e mbështet fuqishëm dialogun mes Kosovës dhe Serbisë

E enjte, 7 Shtator 2023 - 17:00 albinfo.ch
Keynote speech by NATO Secretary General, Jens Stoltenberg, participating in the Ottawa Conference on Security and Defence, organised by the Conference of Defence Associations (CDA).

Sekretari i Përgjithshëm i NATO-s, Jens Stoltenberg, ka thënë se aleanca ushtarake e mbështet fuqishëm dialogun mes Kosovës dhe Serbisë, teksa u shpreh se dialogu është e vetmja mënyrë për të zgjidhur çështjet e mbetura pezull mes të dyja vendeve.

Ai deklaroi se mirëpret takimin e nivelit të lartë Kurti-Vuçiq në Bruksel javën e ardhshme, ndërsa tha se ky takim “është mundësi për Kosovën që të demonstrojë se është palë e përgjegjshme që vepron në mënyrë konstruktive në dobi të sigurisë euroatlantike”, shkruan albinfo.ch.

Ndër të tjera, ai ka potencuar se KFOR-i po vazhdon monitorimin.

“Stabiliteti rajonit dhe siguria e trupave të KFOR-it varet nga të gjitha palët që respektojnë zotimet ekzistuese. Në përputhje me zotimet e Prishtinës të vitit 2013, çdo zbarkim i Forcës së Sigurisë së Kosovës në veri kërkon pëlqimin e KFOR-it. Presim konsultimet me kohë në çfarëdolloj zbarkimi që mund të ndikojë në mjedisin e sigurisë”, deklaroi ai.

Stoltenberg u ka bërë thirrje Kosovës dhe Serbisë që t’u përmbahen zotimeve të tyre.

“Ne mirëpresim hapat e fundit të Prishtinës që janë ndërmarrë për të ulur tensionet, përfshirë zvogëlimin e numrit të forcave dhe planet për zgjedhje. Është esenciale të anashkalohen çfarëdo lloj eskalimi të mëtejme. I inkurajojmë të dyja palët të veprojnë sipas zotimeve të tyre”, tha ai.

 Të tjera nga Kosova

Hajdari për aktakuzën për rezervat shtetërore: Prokuroria Speciale ka tendencë politike ndaj Qeverisë Kurti

 E-Diaspora

 Jeta në Austri