Sonte nata e sprovës së madhe

Sonte, me fillim në orën 20.45 ndeshen FC Bayern me FC Basel për të luajtur ndeshjen e kthimit, të të tetës së finales së Ligës së kampionëve.

Kampionët e Zvicrës dhe të Gjermanisë janë para një sfide të madhe. Kjo në veçanti vlen për Bajernin, i cili si klub i madh evropian “nuk guxon” të humbasë si nikoqir. Ndërkohë, dy javë më parë FC Basel pati mundur bavarezët në Bazel dhe u pati treguar se befasitë janë të mundshme.

FC Basel gjendet në pozitë më të mirë kësaj radhe. Atij i mjafton një gol për tu kualifikuar në xhiron e mëtejme, në çerekfinale të kupës. Kjo bën që tensionet në fushe dhe jashtë saj të jenë të larta.

Për skuadrën e Bazelit luajnë dy futbollistët shqiptarë Xherdan Shaqiri dhe Granit Xhaka. Shairi edhe kësaj here do të jetë në një gjendje jo shumë për tu lakmuar, për faktin se luan kundër skuadrës, pjesë e të cilës do të bëhet që nga korriku i këtij viti.

Ishte spekuluar gjatë nëse nüë ndeshjen e sontme do të angazhohej futbollisti i famshëm Schweinsteiger i Bajernit. Sipas njoftimeve të fundit, ai do të jetë në njëmbëdhjete¨shen që do të fillojë ndeshjen.