Sommaruga flet para refugjatëve

Ministrja e drejtësisë ka kërkuar nga qytetarët e kantonit më shumë hapje, transperancë dhe fleksibilitet ndaj refugjatëve. Kjo qendër pranimi është “një nga shtyllat e sistemit zviceran të azilit”

Keystone

Me rastin e një “dite të dyerve të hapura” që organizoi dje në kampin federal të  azilit në Losone (Kantoni i Tesinës), e pranishme ka qenë edhe ministrja zvicerane e drejtësisë, Simonetta Sommaruga. Ajo u është drejtuar azilkërkuesve me një fjalim në gjuhën angleze.

Nga ana tjetër, Sommaruga ka kërkuar nga qytetarët e kantonit më shumë hapje, transperancë dhe fleksibilitet ndaj refugjatëve. Kjo qendër pranimi është “një nga shtyllat e sistemit zviceran të azilit” ka theksuar ajo, shkruan srf.ch.

Kantoni i Tesinës si më jugori në vend është i përballur më shumë se të tjerët me problemin e refugjatëve, transmeton albinfo.ch. Por Berna zyrtare nuk do ta lë të vetëm këtë kanton në rast të ndonjë fluksi më të madh refugjatësh, ka thënë Sommaruga.

Aktualisht në qendrën e përmendur në Losone, një ish kazermë ushtarake janë strehuar 123 azilkërkues. Shumica e tyre vijnë nga Afganistani.