Sommaruga: Do të vazhdoj të udhëtoj me autobus

"Do të ishte një gabim fatal sikur veprimet e tmershme t`ia përshkruanim një religjioni të tërë”,

Atentati i rëndë në Paris mund të ketë frikësuar shumëkë, pro jo edhe presidenten e Federatës së Zvicrës, Simonetta Sommaruga. Ajo shprehet e tronditur nga akti terrorist që ka marrë 17 viktima por këmbëngul se kjo nuk guxon të paralizojë jetën. në vendin e saj.

Presidentja, e cila është njëherësh ministre e drejtësisë dhe policisë ka dhënë një  intervistë për gazetën “Schweiz am Sonntag”, në të cilën, veç tjerash ka vënë theksin edhe në integrimin e mire të myslimanëve ë Zvicër.

Pyetjes nëse do të vazhdojë të shfrytëzojë mjetet e transportit publik, ajo i është përgjigjur me pohim. Me këtë rast ajo ka ngritur lartë vlerën e lirive të veçanta që gëzojnë krerët e Këshillit Federal të Zvicrës: “Unë do të vazhdoj edhe më tutje të udhëtoj me autious dhe të dal në treg për të blerë”, ka thënë ajo.

Më tutje Simonetta Sommaruga ka thënë se shumica e madhe e myslimanëve të Zvicrës janë të integruar shumë mire këtu. “Do të ishte një gabim fatal sikur veprimet e tmershme t`ia përshkruanim një religjioni të tërë”, ka thënë ministrja e zgjedhur pak javë më pare në pozitën e presidentes së Federatës së Zvicrës.