Shumica e makinave janë dyfish të siguruara

Dy të tretat e personave me makina  zvicerane besojnë se popullata është tepër e siguruar, sipas një sondazhi nga comparis.ch. Por vetëm 18%   konsiderojnë veten të jenë tepër të mbuluar nga sigurimet. Hulumtimi vë në shenjë se automjetet motorike janë të stërsiguruara.

Anketa vë në pah shtesat e sigurimit të panevojshme për automjete. Për shembull, një e treta e të anketuarve kanë bërë një sigurim i cili i mbulon dëmet e parkimit. Edhe pse ky dëm është i mbuluar nga sigurimi i detyrueshëm (Sigruirmi RC-Responsabilité civile).

Sigurimi për pasagjerët e makinës përbën një sigurim shtesë, po ashtu i  panevojshëm. Çdo person me vendbanim në Zvicër është i detyruar të sigurohet kundër aksidenteve. Pavarësisht nga kjo, 62% thonë se kanë kontraktuar një sigurim për pasagjerët e makinës së tyre.

Për të shpjeguar këtë situatë, anketa tregon se gati dy të tretat e të anketuarve nuk kanë shqyrtuar mbulimin e sigurimin të tyre që prej blerjes së automjetit të tyre. Dhe vetëm një në njëmbëdhjetë analizon rregullisht mbulimin e sigurimit të tij për të vlerësuar a është i përshtatshëm apo i panevojshëm.

Studimi u krye në fund të korrikut nga Instituti GfK në 1200  persona me automjete.