Shtatë të vdekur nga tërmeti në Kroaci

Keystone

Mediat kroate shkruajnë se të paktën shtatë persona kanë vdekur nga tërmeti 6.4 ballësh që goditi Kroacinë të martën, përcjell albinfo.ch.

Thuhet se ekipet e shpëtimit kaluan natën duke pastruar rrënojat e ndërtesave të dëmtuara në kërkim të të mbijetuarve.

Një vajzë 12-vjeçare mbeti e vdekur në Petrinja, tha kryeministri kroat, derisa vizitoi qytetin.

Pesë njerëz vdiqën në qytetin afër, Glina, tha zëvendësi i tij. Një viktimë e shtatë u gjet në rrënojat e një kishe në Zazina, raportojnë mediat shtetërore.

Kryebashkiaku i Petrinjas tha se rreth gjysma e qytetit ishte shkatërruar dhe se njerëzit ishin nxjerrë nga rrënojat.