Integrimi
Shqiptari i Kosovës blen 2500 euro pasaportë false, ndalohet në Gjermani

Një banor i Kosovës është ndaluar të hënën në aeroportin e Munihut me një pasaportë daneze. Burri ishte habitur kur atij organet e shtetit gjerman i treguan se pasaporta e tij ishte false. Për këtë ai kishte paguar 2500 euro.
Ishte nisur me aeroplan nga Prishtina për në aeroportin e Munihut. Në kontrollin e pasaportave, zyrtarëve gjermanë ua tregon një pasaportë daneze. Deri këtu për kosovarin ishte gjithçka në rregull, sepse ai kishte një pasaportë evropiane. Kur zyrtarët gjermanë i treguan se pasaporta e tij është false, ai mbeti i habitur. Si rrjedhojë, u arrestua, shkruan abendzeitung-muenchen.de.
Gjatë marrjes në pyetje, kosovari ishte i bindur se pasaporta e tij është origjinale, ndonëse ka treguar se e ka blerë për 2500 euro. Ai ka thënë se pasaportën e ka blerë nga një maqedonas, të cilin e kishte njohur pesë muaj më parë, derisa i kishte ndihmuar atij për rregullimin e një defekti në veturë, njofton albinfo.ch.
Për shkak të situatës së vështirë në Kosovë, i panjohuri i kishte bërë një ofertë kosovarit. Ai i kishte thënë se me anë të firmës të cilën e posedonte në Danimarkë, mund t’ia bëjë një dokument legal. Maqedonasit i ka mjaftuar vetëm certifikata e lindjes së shqiptarit që ky i fundit të pajiset me një pasaportë evropiane.
Banori i Kosovës e kishte pyetur të panjohurin që a mund të lëvizë me këtë pasaportë. Ai e kishte siguruar se gjithçka është në rregull. Kosovari ishte nisur për të vizituar vajzën e tij, e cila banon në Bayreuch të Gjermanisë. Ai ka thënë se mundësia për të pasur një vizë për vizitë të vajza e tij asnjëherë nuk është marrë parasysh.
Gazeta gjermane shkruan se edhe në qoftë se qëllimi i kosovarit nuk ka pasur asnjë të keqe dhe ai nuk ka qenë në dijeni se pasaporta e tij është false, megjithatë 44-vjeçari vazhdon të jetë përgjegjës për këtë veprim dhe kthimi i tij për në Kosovë do të bëhet menjëherë në mëngjes të datës 9 dhjetor për në aeroportin e Prishtinës.
Albinfo.ch
E-Diaspora
-
Lozanë: Shqipëria në qendër të vëmendjes në Festivalin Universal të EHL Bëhet e ditur se turizmi dhe kulinaria shqiptare u promovuan sot në një nga universitetet më...
-
Dietikon: Kosovari vdes pas sulmit me thikë – Arrestohet një ugandas
-
Rrugëtimi i Arlindës drejt suksesit në Zvicër
-
Rrahje masive mes kroatëve e shqiptarëve në Zagreb, ka të plagosur
-
Diaspora është zemra ekonomike e Kosovës
Jeta në Austri
-
Qeveria austriake planifikon reformën e pensioneve: 63 është mosha e re e pensionimit të parakohshëm Sistemi i pensioneve të Austrisë është vendosur për reforma të rëndësishme duke filluar nga viti i...
-
Papunësia në Austri rritet për 7.3%, me 392.600 punëkërkues
-
Austri: Paketa e re tatimore, masa për konsolidimin e buxhetit dhe lehtësime për qytetarët
-
Austri: Reforma e pensioneve parasheh ndryshime të mëdha
-
Kompromiset që duhet të bëni në Austri kur blini ose merrni me qira një shtëpi