Shqipëria vend i sigurt, riatdhesohen edhe 36 shqiptarë

Ilustrim

Ministria e Brendshme dhe Policia e Shtetit në Shqipëri kanë apeluar te çdo shtetas që tenton të kërkojë azil në vendet Shengen, pasi që sipas tyre shanset për të fituar azilin janë zero pasi që Shqipëria llogaritet të jetë vend i sigurtë dhe bën pjesë në listën e vendeve të sigurta.

Ditëve të fundit në aeroportin “Nënë Tereza” në Rinas, 36 shtetas shqiptarë janë riatdhesuar. Të riatdhesuarit janë deportuar nga vendet si Franca, Holanda dhe Belgjika.

Të riatdhesuarit kanë shkelur kushtet për lëvizje të lirë në zonën Shengen, shkruajnë mediat shqiptare përcjell Albinfo.ch.

Vetëm nga 1 janari i këtij viti e deri më tani janë riatdhesuar përmbi 2 mijë e 800 shtetas shqiptarë nga vendet e Bashkimit Evropian.