Shqipëria, me numrin më të lartë të azilantëve, Eurostat: Franca, më e kërkuara

Izolimi nga pandemia nuk i ka ndalur kërkesat e shqiptarëve për t’u larguar për një jetë më të mirë.

Referuar të dhënave të Eurostat gjatë vitit 2020, rezulton se Shqipëria ka numrin më të lartë të qytetarëve që kanë kërkuar azil në krahasim me vendet e Ballkanit. Në total janë rreth 5 mijë aplikime që janë bërë, pavarësisht situatës së rënduar nga pandemia, përcjell albinfo.ch.

Ndërsa vendet e tjera të Ballkan nuk kanë më shumë se 2 mijë aplikime. Pas shqiptarëve në Ballkan, renditen serbët për kërkesë azili me rreth 1700  të tilla, më pas vijnë kosovarët dhe Bosnjë e Hercegovina.

Maqedonia e Veriut është një ndër vendet me numrin më të ulët të qytetarëve që kërkojnë të largohen duke aplikuar për azil.

Por në cilat shtetet kërkojnë të shkojnë shqiptarët.

Sipas Eurostat aplikimet më të shumta ose rreth 2 mijë janë bërë në Francë. Më pas renditet vendi fqinj Greqia, me mbi 1 mijë aplikime dhe më pas vijnë Gjermania e Italia.

Sirianët, afganët, venezuelianët  dhe kolumbianët paraqitën më shumë kërkesa për azil, së bashku duke përbërë 40% të të gjithë aplikuesve të parë në shtetet anëtare të BE-së më 2020.

Në vitin 2020 ishin në total 416 600 aplikantë për herë të parë që  aplikuan për mbrojtje ndërkombëtare në shtetet anëtare të BE-së, me rënie me 34% krahasuar më 2019 dhe më 21%.

Krahasuar me popullsinë e secilit shtet, numri më i lartë i aplikantëve të regjistruar për herë të parë për azil në vitin 2020 është në Qipro, ndërsa numrat më të ulët u regjistruan në Hungari.