Shqipëria ka çmimin më të lartë të naftës në botë

@pixabay

Në bazë të çmimeve, Shqipëria ka rezultuar vendi më çmimin më të lartë në botë jo vetëm për naftën, por edhe për benzinën, ka treguar një studim, përcjell albinfo.ch.

Thuhet se nga studimi i bërë nga Reddit (uebsajt amerikan për grumbullimin e lajmeve sociale, vlerësimin e përmbajtjes dhe diskutimin) ka dalë se vendi ynë kryeson në gjithë botën me 26.59 për qind.

Reedit e ka sjellë këtë grafik, duke u bazuar te të dhënat nga Numbeo dhe Trading Economics.

Studiuesit kanë marrë parasysh raportin midis pagës mesatare mujore dhe sa kushton për të mbushur sebratorin e makinës prej 60 litrash plot.

Shqipëria është pasuar nga Pakistani, Filipinet dhe Gana. Ndërkohë vendet të cilat janë renditur me çmimet më të ulëta në krahasim me rrogën mujore kanë rezultuar Venezuela, SHBA-ja, Australia, gjithashtu dhe Kanada-ja.

Çmimet e karburanteve kanë parë një rritje shumë të lartë jo vetëm në vendin tonë, por në gjithë botën që nga shpërthimi i luftës në Ukrainë, por me sa duket vendi ynë kryeson listën në gjithë botën.