Nuk kalon rezoluta e LDK-së për çmimin e naftës

Deputetët e Kuvendit të Kosovës në seancën e sotme nuk e kanë votuar rezolutën e Lidhjes Demokratike të Kosovës lidhur me derivatet e çmimeve të naftës.

Në bazë të rezolutës parashihet ulja e përkohshme e akcizës për naftën nga 36 centë për litër në 20 centë deri në stabilizimin e çmimeve e ulja e TVSH-së për karburantet nga 18 për qind në 8 për qind, transmeton albinfo.ch.

Rezoluta parashihte edhe subvencionimin e çmimeve të naftës për sektorët më të ndjeshëm, përfshirë bujqësinë, transportin publik dhe prodhuesit vendorë.

E njëjta dështoi teksa 34 vota ishin për, 49 kundër dhe 7 abstenime.