Shpërthim në fabrikën kimike

Një shpërthim ka ndodhur ne mëngjesin e të hënës në fabrikën e prodhimit të lëndëve kimikeRohner Chem në Pratteln të kantonit Baselland. Kjo fabrikë prodhon kemikalie dhe substanca farmaceutike.

Siç njofton policia e kantonit, si pasojë e shpërthimit, aty ka pasur edhe një zjarr, nga i cili kanë pësuar lëndime të lehta së paku dy persona.

Një zëdhënës i policisë thotë për mediet se ky shpërthim nuk ka ndonjë pasojë sa i përket ndotjes së ambientit.

Të dhënat e para flasin se shpërthimi ka ndodhur në një stacion furnizimi të stabilimentit, ka sqaruar një zëdhënës i fabrikës. Aktualisht nuk ka të dhëna të tjera rreth incidentit.