Ambasada e SHBA-së lanson linjë për sinjalizim të narkotikëve e pastrimit të parave në Shqipëri

Ambasada e SHBA-së në Shqipëri ka shpërndarë një njoftim për mediat, ku citohet Agjencia e SHBA-së Kundër Narkotikëve (DEA), e cila njofton një linjë të re sinjalizimi, duke nxitur këdo që ka informacion në lidhje me trafikun e drogës ose pastrimin e parave.

“Agjencia e SHBA-së Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected]. Të gjitha të dhënat do të mbahen të fshehta”, thuhet në njoftim, transmeton albinfo.ch.

“Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët”, vazhdon tutje njoftimi.