Shaqiri shkëlqen me notën 8.3, i jep fitoren Baselit ndaj Winterthur

Nota 8.3 për Shaqirin pas paraqitjes brilante në fitoren e Baselit

Xherdan Shaqiri ishte protagonisti kryesor në fitoren e djeshme të Baselit në transfertë ndaj FC Winterthur, duke udhëhequr skuadrën drejt triumfit me rezultat 2–1, transmeton albinfo.ch.

Ylli shqiptar shënoi golin e parë për skuadrën e tij në minutën e 29-të, duke zhbllokuar ndeshjen dhe duke vendosur ritmin e lojës për Baselin. Paraqitja e tij ishte vendimtare gjatë gjithë takimit, me lëvizje të rrezikshme, organizim të lojës dhe ndikim të madh në fazën ofensive.

Në fund të ndeshjes, Shaqiri u vlerësua me notën 8.3, duke u renditur ndër lojtarët më të mirë në fushë.

Me këtë fitore në transfertë, Baseli vazhdon formën pozitive, ndërsa Xherdan Shaqiri konfirmon edhe një herë rolin e tij si lider në skuadër. /Albinfo.ch 

---